2 Corinthians 8
1បងប្អូនអើយ! យើងប្រាប់អ្នករាល់គ្នាឲ្យដឹងពីព្រះគុណរបស់ព្រះជាម្ចាស់ដែលបានផ្ដល់ឲ្យក្រុមជំនុំទាំងឡាយនៅស្រុកម៉ាសេដូន 2ថាក្នុងពេលមានការល្បងយ៉ាងខ្លាំងតាមរយៈសេចក្ដីវេទនាភាពហូរហៀរនៃអំណរនិងភាពក្រតោកយ៉ាករបស់ពួកគេក៏បង្ហូរចេញសេចក្ដីសប្បុរសដ៏បរិបូរ 3ខ្ញុំសូមធ្វើបន្ទាល់ថាពួកគេស្ម័គ្រចិត្ដតាមសមត្ថភាពរបស់ពួកគេនិងហួសពីសមត្ថភាពរបស់ពួកគេទៅទៀត 4ពួកគេសូមអង្វរយើងយ៉ាងទទូចដើម្បីអនុគ្រោះឲ្យពួកគេមានចំណែកនៅក្នុងការឧបត្ថម្ភដល់ពួកបរិសុទ្ធ 5ហើយហួសពីការស្មានរបស់យើងមុនដំបូងពួកគេបានថ្វាយខ្លួនដល់ព្រះអម្ចាស់បន្ទាប់មកដល់យើងដែរតាមបំណងរបស់ព្រះជាម្ចាស់។ 6ដូច្នេះហើយយើងក៏ដាស់តឿនលោកទីតុសឲ្យបង្ហើយការប្រមូលជំនួយនេះដែលគាត់បានចាប់ផ្ដើមធ្វើនៅក្នុងចំណោមអ្នករាល់គ្នាពីមុនហើយ។ 7ដូចដែលអ្នករាល់គ្នាបានចម្រើនឡើងនៅក្នុងកិច្ចការទាំងឡាយគឺទាំងនៅក្នុងជំនឿពាក្យសំដីចំណេះដឹងនិងសេចក្ដីឧស្សាហ៍ទាំងអស់ព្រមទាំងសេចក្ដីស្រលាញ់ដែលអ្នករាល់គ្នាមានចំពោះយើងជាយ៉ាងណានោះនៅក្នុងការប្រមូលជំនួយនេះចូរឲ្យអ្នករាល់គ្នាចម្រើនឡើងជាយ៉ាងនោះដែរ 8ខ្ញុំមិនមែននិយាយបែបបង្គាប់ទេប៉ុន្ដែដើម្បីពិសោធសេចក្ដីស្រលាញ់ដ៏ស្មោះត្រង់របស់អ្នករាល់គ្នាតាមរយៈសេចក្ដីឧស្សាហ៍របស់អ្នកដទៃវិញ។ 9ដ្បិតអ្នករាល់គ្នាស្គាល់ព្រះគុណរបស់ព្រះយេស៊ូគ្រិស្ដជាព្រះអម្ចាស់របស់យើងហើយគឺថាទោះបីព្រះអង្គជាអ្នកមានក៏ដោយក៏ព្រះអង្គបានត្រលប់ជាអ្នកក្រដោយព្រោះអ្នករាល់គ្នាដើម្បីឲ្យអ្នករាល់គ្នាត្រលប់ជាអ្នកមានដោយសារភាពក្ររបស់ព្រះអង្គ។ 10ខ្ញុំសូមផ្ដល់យោបល់នៅក្នុងរឿងនេះចុះដោយព្រោះការនេះជាប្រយោជន៍ដល់អ្នករាល់គ្នាដែលមិនគ្រាន់តែចាប់ផ្ដើមធ្វើការនេះតាំងពីឆ្នាំមុនមកទេថែមទាំងចង់ធ្វើទៀតផង 11ដូច្នេះឥឡូវនេះចូរបំពេញកិច្ចការនេះចុះគឺអ្នករាល់គ្នាមានចិត្ដសង្វាតចង់ធ្វើជាយ៉ាងណាក៏បំពេញជាយ៉ាងនោះចុះទៅតាមអ្វីដែលអ្នករាល់គ្នាមាន។ 12ដ្បិតបើមានចិត្តសង្វាតមែននោះអាចទទួលយកបានហើយគឺតាមអ្វីដែលអ្នកនោះមានមិនមែនតាមអ្វីដែលអ្នកនោះគ្មានទេ 13ប៉ុន្ដែមិនមែនឲ្យអ្នកផ្សេងមានភាពធូរស្បើយហើយឲ្យអ្នករាល់គ្នាមានសេចក្ដីវេទនានោះទេផ្ទុយទៅវិញឲ្យស្មើភាពគ្នា 14គឺនៅពេលបច្ចុប្បន្ននេះឲ្យភាពហូរហៀររបស់អ្នករាល់គ្នាផ្គត់ផ្គង់ដល់ភាពខ្វះខាតរបស់អ្នកទាំងនោះដើម្បីឲ្យភាពហូរហៀររបស់អ្នកទាំងនោះអាចនឹងផ្គត់ផ្គង់ដល់ភាពខ្វះខាតរបស់អ្នករាល់គ្នាវិញដូច្នេះទើបស្មើភាពគ្នា 15ដូចមានសេចក្ដីចែងទុកថា៖ «អ្នកដែលប្រមូលបានច្រើនក៏មិនមានច្រើនណាស់ណាឯអ្នកដែលប្រមូលបានតិចក៏មិនខ្វះដែរ»។ 16ប៉ុន្ដែសូមអរព្រះគុណព្រះជាម្ចាស់ដែលព្រះអង្គបានប្រទានឲ្យលោកទីតុសមានសេចក្ដីឧស្សាហ៍នោះនៅក្នុងចិត្ដចំពោះអ្នករាល់គ្នាដែរ 17ដ្បិតគាត់បានទទួលពាក្យអង្វររបស់យើងហើយកាន់តែមានសេចក្ដីឧស្សាហ៍ថែមទៀតរួចគាត់ក៏មកឯអ្នករាល់គ្នាដោយស្ម័គ្រចិត្ដ 18រីឯយើងក៏បានចាត់បងប្អូនម្នាក់ដែលមានការសរសើរពីក្រុមជំនុំទាំងអស់នៅក្នុងការប្រកាសដំណឹងល្អឲ្យមកជាមួយគាត់ដែរ 19មិនត្រឹមតែប៉ុណ្ណោះទេក្រុមជំនុំទាំងឡាយក៏បានជ្រើសរើសអ្នកនោះឲ្យរួមដំណើរជាមួយយើងនៅក្នុងការប្រមូលជំនួយដែលយើងកំពុងចាត់ចែងដើម្បីថ្វាយសិរីរុងរឿងដល់ព្រះអម្ចាស់ផ្ទាល់និងដើម្បីបង្ហាញពីចិត្ដសង្វាតរបស់យើងដែរ 20ព្រមទាំងចៀសវាងកុំឲ្យអ្នកណាម្នាក់រិះគន់យើងបានឡើយចំពោះជំនួយដ៏ច្រើនដែលយើងកំពុងចាត់ចែង 21ដ្បិតយើងតាំងចិត្ដធ្វើការល្អមិនមែនតែនៅចំពោះព្រះអម្ចាស់ប៉ុណ្ណោះទេគឺនៅចំពោះមុខមនុស្សដែរ។ 22យើងចាត់បងប្អូនម្នាក់ទៀតឲ្យទៅជាមួយពួកគេព្រោះយើងបានពិសោធអ្នកនោះជាញឹកញាប់ហើយឃើញថាគាត់មានសេចក្ដីឧស្សាហ៍នៅក្នុងកិច្ចការជាច្រើនឥឡូវនេះគាត់កាន់តែមានសេចក្ដីឧស្សាហ៍ថែមទៀតដោយការទុកចិត្ដជាខ្លាំងលើអ្នករាល់គ្នា។ 23ចំពោះលោកទីតុសគាត់ជាគូកនរបស់ខ្ញុំនិងជាអ្នករួមការងារជាមួយខ្ញុំសម្រាប់អ្នករាល់គ្នារីឯពួកបងប្អូនរបស់យើងផ្សេងទៀតពួកគេជាសាវករបស់ក្រុមជំនុំទាំងឡាយនិងជាសិរីរុងរឿងរបស់ព្រះគ្រិស្ដ 24ដូច្នេះចូរបង្ហាញភស្ដុតាងពីសេចក្ដីស្រលាញ់របស់អ្នករាល់គ្នានិងមោទនៈភាពរបស់យើងអំពីអ្នករាល់គ្នាឲ្យពួកគេបានឃើញនៅចំពោះមុខក្រុមជំនុំទាំងឡាយចុះ។
Copyright information for
KhmKCB